EcoFormación para iniciarse no mundo scout
Estamos organizando unha actividade para adultos na que presentar a nosa metodoloxía educativo. Nesta pequena formación iniciaremos ás persoas participantes, dun xeito lúdico e entretido, os principios e bases do noso traballo educativo e a metodoloxía que empregamos para levala a cabo.
Desterra da túa cabeza a idea de que os e as scouts somos rudos espartanos, segregados por sexos, con tintes militaristas ou ligados a unha confesión relixiosa. Somos un movemento educativo moderno e transformador. Danos a oportunidade de presentarche o que somos e se che gusta, pois poidas considerar facer o voluntarido xunto con nós.
Esta formación é totalmente gratuita e inclúe aloxamento, manutención, seguros, formadores e materiais.
O transporte ata o lugar de realización do campamento, o Albergue de Vilar de Ordelles, corre pola túa conta. Para participar so tes que inscribirte a través do seguinte formulario e tes de prazo ata as 20:00 h. do día 28 para apuntarte (prazas limitadas). Debes de levar saco de durmir e o xantar do primeiro día. Para saber como chegar podes consultar aquí a localización do albergue.
As actividades comezan ás 12:00 horas do día 31 de setembro e rematarán as 19:00 horas do día 1 de outubro co seguinte
Programa da actividade
Día 30 de setembro
| 12:00 | Contextualiación e aspectos básicos do método e organización scout. |
| 14:00 | Xantar (cada quen trae o seu) |
| 16:15 | Introdución á metodoloxía da Sección Esculta (formada por rapazas e rapaces de 14 a 17 anos) |
| 20:15 | Dinamica Educación & Escultismo. Como dar coherencia e conxugar os valores educativos co trasfondo tradicional |
| 21:00 | Cea |
| 22:30 | Intercambio horizontal de xogos e cancións |
1 de outubro
| 09:00 | Almorzo |
| 10:00 | Técnica scout básica I. Formación práctica sobre uso seguro de ferramentas e familiarización cos nós e amarres máis básicos. |
| 14:000 | Xantar |
| 16:00 | Módulo 2 técnica básica. Elaboración de construcións sinxelas de campamento (tendais, toldos, mobiliario sinxelo, etc.) |
| 19:00 | Final do evento |
Esta actividade forma parte do noso proxecto Inicativa Xove, subvencionado pola Consellería de Politica Social da Xunta de Galicia.
Leave a Reply
Want to join the discussion?Feel free to contribute!