Montealegre estaba triste pero agora quedou contento e limpo

A nosa “Lei scout” di que as persoas scouts amamos e protexemos á natureza, e estamos moi orgullosos de non facer desta sentencia so unha declaración de principios senón máis ben un principio de acción. E por iso a nosa interrelación co medio ambiente non se basea soamente en gozar da contorna nas actividades ao aire libre, senón que son tamén estamos comprometidos activamente coa súa conservación.

Cando Amigos da Terra nos propuxo participar nunha actividade de limpeza na zona de Montealegre, dentro da súa campaña #DoylaLata, non dubidamos nin un momento e sumámonos a esta acción con case 40 scouts do noso grupo subimos na mañá do sábado 22 de outubro, ata Montealegre onde nos sumamos ao continxente de 30 rapaces e rapazas do Colexio Divina Pastora e a unha decena de voluntarios de Amigos da Terra. Alí a organización distribuiunos en varias áreas de traballo e despois de pouco máis dunha hora de traballo xa recolleramos 83 bolsas, de 30 litros de capacidade, repletas de lixo, o que ven sendo un volume total de 2500 litros. Montealegre é unha zona tradicional onde moitas veciñas e veciños de Ourense celebran os magostos e polo visto moita desa xente abandona alí seu lixo.

Os nosos scouts mantiveron un moi bo ánimo e estiveron moi motivados todo o tempo, e amosaron a súa indignación pola enorme cantidade de lixo que atopamos na area da acción, que era relativamente pequena, e ata fíxoselles curto o tempo de limpeza e tivemos que convencelo para que rematar e comezar coa seguinte fase do traballo: a clasificación dos residuos para a investigación de está a facer Amigos a Terra na súa campaña. Descubrimos que máis da metade dos residuos eran envases de bebidas, fundamentalmente latas e botellas. Se houbera un sistema de retorno de envases chamados SDDR, como hai noutros países, este monte estaría limpió dende o principio. Así que a actividade rematou con certa indignación pero sobre todo con optismo e a sensación do traballo ben feito, ou como un lobeto chegou a dicir “Montealegre estaba triste pero agora quedou contento e limpo“.

Mentres todos marchamos a xantar as nosas casas, os guías e subguías da Tropa permaneceron na zona para xantar e aproveitar a tarde para celebrar un Consello de Tropa xunto ao seus scouters para tomar algunhas decisións sobre a marcha da sección e tamén para preparar as actividades que lles tocará desenvolver no Curso de Guías e Subguías. Unha actividade de ASDE – Scouts de Galicia xuntos cos seus compañeiros e compañeiras dos outros grupos scouts de Galicia e no que adquirirán algunhas ferramentas útiles para a sempre difícil tarefa de liderar e guiar aos seus compañeiros.